珞桐冰室 (已結業)

光顧左呢間小店已經好幾年，以前住大埔送左阿女返幼稚園，有時就會約一d家長黎呢度食早餐，而近四年阿女開生日會都係order 呢間既到會，真係又平又好味吖！今日約左d朋友大約3pm係大尾篤BBQ, 早d嚟大埔食個early lunch 再行下。常餐 $30 包熱飲（凍飲加$3）沙嗲牛肉通粉，配火腿絲奄列牛油方包 份量唔算大，但夠我既份量。沙嗲味好濃，牛肉亦好淋。奄列都多火腿絲。方包係柔軟既！我至愛既「一口杏仁朱古力多士」 $28 包熱飲（凍飲加$3）真係一啖食一舊，又唔駛自己切，外面勁脆裡面係軟。$28 一份仲包飲品，我暫時未見過其他地方比呢度平囉！奶茶好飲，夠茶味！