和氣食堂 (黃大仙中心南館)

營業中

休息中

前幾日同左朋友去左和氣食堂到食飯，我地兩但個人叫左5款食物同埋一人一杯飲品，我地分別叫左香芒燻鴨胸沙律、牛油果芒果三文魚班戟、大阪豬扒丼、千回火烏燒雞翼和3點刺身盛，而飲品方面便叫左青蘋果奇異果梳打和我朋友叫凍紫薯鮮奶。先講講香芒鴨胸沙律先，芒果不酸且甜甜地，再夾埋加左黑醋的鴨胸的確好正。至於牛油果芒果三文魚班戟方面，味道都幾特別，幾清新，因為一般多數食開都係壽司飯多，配以班戟比較少，而且味道都不錯。大阪豬扒丼方面，啲椰菜真係好高，成坐山咁高，要分走左啲椰菜先見到個豬扒丼真面目，豬扒都大塊，大大碗，味道唔錯。千回火烏就有少少似椒鹽雞翼，而有少少辣，幾惹味。至於三點刺身盛方面，有三文魚、甜蝦、章紅魚都叫幾鮮甜，同埋份量都適中，兩個人來講啱啱好。飲品方面，我飲的是青蘋果奇異果梳打，超大杯，飲極都唔完，青蘋果味ok，但奇異果味不算特出。總括來說，和氣食堂都算是平價而高質的日本食物。