Cafe Paradise (東寶大廈) (已結業)

晚市開返之後，餐廳都開始多人，路過見到仲有位，同朋友可以坐得舒服，所以就坐低咗食。午餐依然可以50幾蚊有交易，今日食烤蜜糖雞扒飯。雞扒比想像中薄，不過烤蜜糖烤得幾好食，有啲似大家樂早餐嘅雞扒，份量來講就少咗啲，不過有餐湯同餐飲搭救，飯今日就比較濕，希望之後會有啲改善。整體來講，雖然質素唔算好好，因為價錢關係，性價比都比較高，我仍然會之後繼續試吓食其他飯。食完出門口見到下午茶餐都幾平，如果大家係午餐時間食唔到飯，可以考慮下午茶。