尼斯餐廳 (已結業)

西營盤不嬲好多西餐Cafe，好多人假日嘅時候都會嚟呢度嘅Cafe打下卡不過餐餐食Cafe 嘅價錢真係好貴㗎，間唔中都想食返啲平民野今日搵食搵過嚟西營盤嘅尼斯餐廳晏晝lunch set真係平靚正平均$50至$70就有，仲要包餐湯甜品，真係抵到爛<燒豬柳意粉$47>燒豬柳意粉有成三嚿豬柳，啖啖肉豬味就唔係好重，不過勝在夠林意粉俾咗好多，本身覺得乾真真唔夠汁，問侍應哥哥可唔可以加啲汁俾我，結果佢好豪爽咁樣俾咗成兜汁我，好正<吉列帶子燒汁肉眼扒配薯菜$73>朋友叫咗一個肉眼扒，就咁睇個size大大塊好似唔錯，佢話都幾好食偷咗佢少少薯條食，都炸得幾香脆，抵食呀