意樂餐廳 (長發廣場)

營業中

休息中

今日一家五口同我妹黎到長發諗住帶小朋友話下波波池順便食晚飯，咁我三個女本身鍾意食西餐，所以見到呢間係食西餐又唔洗等位就入左去食啦。我地叫左5樣野4杯飲品（飲品半價）。蒜蓉包：已經淋左，但好多蒜頭，仲有d芝士粉係面，味道都好香，如果佢熱同脆就仲好。夏威夷pizza:比較細份，但呢個價錢算係咁，好足料，但料同個批已經分開左，不過味道都好好。墨魚汁意大利飯：呢個價錢黎譾真係整到好似高級餐廳咁靚，真係好意外。亦都好足料，但味道偏咸。黑松露箘皇意大利飯：都係偏咸，亦唔太夠creamy, 同埋佢嘅紅洋蔥加蒜頭偏生、所以比較辣。卡邦尼長通粉：比較水同咸，但夠多料，不過都係紅洋蔥同蒜偏生會辣。抺茶咖啡冰冰：其實似凍啡多，飲唔出抺茶味，但半價算抵。整體黎講叫咁多樣野都係2百幾蚊埋單真係一個好選擇。