越滿 (已結業)

朋友話想試就一齊嚟咗食呢間越南嘢，其實旺角區都有好多選擇，突然想食越南嘢就搵到嚟呢度 餐廳裝修比較似新式茶餐廳，入面充滿咗卡通嘅牆身，都裝修得幾得意。我哋叫咗軟殼蟹咖哩，個樣整得好靚，賣相非常好。軟殼蟹一早放入咖喱入面，仲有少少脆，咖哩味都算香，但係我個人就覺得濃味咗少少，偏鹹。咖哩配法包，法包新鮮焗起非常香脆燒蠔佢有幾款味道，我哋揀咗喇沙味同埋蒜蓉味蒜蓉味比較香口，我覺得蒜蓉味比較好味而喇沙味就比較特別，未試過食喇沙味焗蠔，效果又唔錯喎。啲蠔好新鮮大大隻咬，落去好厚肉，所以我覺得呢個好食越南蔗蝦，宜家唔係度度地方都有，所以叫咗一碟嚟試。一碟有四件，大大舊脹卜卜，新鮮整起 大都幾好味，如果蝦肉再彈牙啲就好喇叫咗個粉湯底比較清，但係配料幾多。特別係 牛舌好爽口叫咗蝦餅， 炸得幾金黃，賣相唔錯，都幾脆，如果蝦肉再彈牙口感會更好。餐廳有散叫，亦有套餐，都幾多選擇而且唔算貴。