肥公車仔麵 (已結業)

近日一有空就到旺角睇裝修。附近有間食店，不論十二點定下午四點小店都人山人海，好多人幫襯。睇完個歺牌真係知㸃解，5-8元一個餸真係旺角好難揾到。佢除左地舖仲有樓上舖，實有位比你坐。😛我叫左三餸加米粉都係24元，有冬菇、豬紅、雞翼，雞翼係8元二隻，我覺得必食，鹵得入味，冬菇大隻又多抵食。最奇我碗麵多左粒魚旦但我無叫過。個腩汁都好濃呀。我同行朋友叫四餸都食得好開心，有機會會再次幫襯。不過不可以坐得耐傾計，因為人流多。