大壹冰室 (已結業)

星期六在荃灣行街，行到攰攰地就諗住揾間平靚正的餐廳仔坐低食個LUNCH。呢間餐廳外表幾好架，同埋門口都好似有好多食評訪問，咁咪入去試吓。先來一個餐湯，味就淡啲啦，我估佢落多D茄膏應該會好少少，餐包就夠牛油味，不過如果佢多少少蒜味又會好少少。到主菜我叫左個鰻魚汁海鮮抄飯，先要一讚個賣相係幾好，咁啲飯就有少少汁，唔似啲中式抄飯咁乾身，但都粒粒分明，如果佢多汁少少，就有少少似RISOTTO，不過海鮮就真係少左DD，佢啲料真係切到有啲細粒，如果大粒啲同多啲就好啦，咁味道都OK 的，一樣，如果食開重口味的朋友會覺得淡左少少，不過如果你想食得健康少油鹽糖，咁呢個就會啱口味。值得一提係間餐廳其實都有心攞少少DECORATION 架，個牆身係有個BENCH 放滿啲舊式玩具，咁睇吓都賞心樂事的﹗