薩莉亞意式餐廳 (香港仔中心五期)

營業中

休息中

今日同同事去覓食，見到薩莉亞個午餐Menu幾吸引，於是就去試試。平時晚餐食薩莉亞就食得多，估唔到原來午餐係有lunch set嘅，而且都幾抵食。我哋叫咗兩個鐵板餐，然後加咗$16，加配前菜沙律、飲品吧任飲、同埋飯。加埋每人都只係$54買單，齋睇價錢，有鐵板餐又有任飲飲品，仲有邊度會搵到！先講份量，男生都絕對夠飽。味道方面，雞扒煎得皮脆肉嫩，漢堡扒亦非常Juice，薯角就略嫌唔夠脆，揚唐雞亦炸得剛好，不會乾柴，粟米夠甜，香腸就不過不失。美中不足嘅就係塊鐵板就真係唔係好夠熱，而且黑椒汁或照燒汁唔多，不過呢個價錢真係冇得要求咁多。整體來講，薩莉亞嘅鐵板lunch set真係算幾高性價比，對於得一個鐘頭食飯時間嘅打工仔來講，平價鐵板餐都可以係平日同同事chill一下。