漁民麵館 (已結業)

50幾蚊就可以食到花膠或者海參嘅面，一定要試吓！初初以為咁平，一定會好細份，以為會強差人意，但係點知真係真材實料！我食咗花膠粗麵，除咗花膠足料之外，連啲冬菇都又厚又大隻！當然，餐牌入邊有平有貴，豐儉由人！我朋友叫咗海參湯麵，都係非常唔錯嘅！雖然我嗌外賣，但係都係鋪頭入邊等左一陣，都乾淨舒服，如果堂食仲有平價粉麵！ $28起，真係好吸引。喺尖沙咀呢個地段，食到又平又正嘅餐廳，真係可遇不可求！下次好想試招牌嘅伊面！