韓淼莊 (已結業)

港式韓國餐廳。石頭窩飯五十幾六十蚊，冇味係正常架啦，D肉係鞋都正常啦，你地仲想點？二人C餐，豆腐湯，真係好鬼多豆腐，D湯比D豆腐淹沒，最後唔係湯飯，係豆腐飯。兩條秋刀魚，甜甜地，ok啦，不過多骨，大家食嘅時候小心。前菜，冇野好講。$70冷麵，有三片仔肉，極細塊。麵質一般，不推薦。一般貨色中嘅一般貨色。除非你中午冇食飯先會想入去食。PS 套餐贈送"韓式飲品"，居然係奶茶、檸茶、柚子茶，笑死，韓式起邊。