牛蓋 (已搬遷) 新店位置

牛蓋平日都好旺場喎，不過食物質素又唔差。今日收工反黎7點幾，等位等左半個鐘，呢間舖仔細細，staff唔多，咩都自助形式既，等到位就可以去收銀order，食完就自己拎個盤去返門口。我今晚叫左一個B1牛肉蓋飯($68)，牛肉份量都唔算少呀，咬落肉汁都幾多，肉質算嫩滑，加埋少少黑椒係面吊一吊味，令牛肉味更特出，算係超值之選。講真，我都幾中意日本餐廳有呢種習慣，每人做多小小，就會方便到其他人，小店都可以有高質之選嘅。