Cow Bean (荃灣廣場) (已結業)

牛扒一直都係我嘅最愛。見到一啲平價嘅牛扒餐廳都會忍唔住入去試下。我叫左紐西蘭西冷牛扒，冇加任何伴菜。佢嘅牛扒係用鐵板上，試過效果滿分。 一開始覺得好奇怪點解落單嘅時候佢冇問我幾成熟，原來係佢一上菜預設咗就係五成，而你就可以根據個人口味，喺鐵板上煎熟佢，將個責任外判賣畀你，以佢咁嘅價錢都可以接受嘅。西冷牛扒牛味都幾重，由於佢一開始就係五成熟，所以要快快手食哂佢，唔係就會好靭。而佢嘅配菜有大量嘅洋蔥同粟米，令到嗰餐冇咁油膩。我覺得幾抵食，唔使一百蚊食到一個質素ok嘅牛扒。