影片
更多
2018-02-17
6249 瀏覽
每年公司聚餐既平價之選都係灣景廳，今年既團年飯亦唔例外，勝在就腳、坐得舒服又抵食。一開始一定第一時間衝去壽司吧，刺身只有兩款，唔食透明魚既我專攻三文魚，雖然唔係三文魚腩，但都新鮮肥美。 前台仲有壽司飯同三文魚壽司、腐皮壽司同壽司卷等，不過怕太飽就冇食喇。 午市冷盤都唔會要求咁高，呢度海鮮有青口、蜆同蝦，幾鮮甜唔會有沙，但大部分甲殼類都冇開口，拎左都唔係幾食到。 旁邊既沙律吧無論菜類、配料定醬汁選擇都算多。 芝士亦有幾款配麵包餅乾，但個人比較鐘意creamy軟身既芝士，所以唔太合口味；另有藜麥、牛油炒雜菌、薯仔沙律同兩款火腿。 熟食選擇唔多，分成兩排有十幾款。我選左以下幾款：豬肋骨醬汁幾惹味，肉質唔算好嫩滑、正正常常，可列為最受歡迎熟食之一。 蕃茄魚柳夠嫩滑，但魚味欠奉；咖喱雞可配薄餅，見咖喱汁較杰所以冇拎到，雞肉入味不過不失，所以兩款都係食過就算。三文魚幾肥美所以拎多左兩份，海鮮黎講蝦最鮮甜。 左上既薯仔沙律轉左用普通沙律醬，冇之前用蜜糖芥茉醬咁惹味。左下係炒菜心既貴妃蚌，配蒜蓉同炒，夠鑊氣又彈牙。 右下豬腳薑超級入味又啖啖肉，滿滿既骨膠原好好味。可能藜麥食開酸酸甜甜醬汁，我覺得呢度整
一開始一定第一時間衝去壽司吧，刺身只有兩款，唔食透明魚既我專攻三文魚，雖然唔係三文魚腩，但都新鮮肥美。 前台仲有壽司飯同三文魚壽司、腐皮壽司同壽司卷等，不過怕太飽就冇食喇。
午市冷盤都唔會要求咁高，呢度海鮮有青口、蜆同蝦，幾鮮甜唔會有沙，但大部分甲殼類都冇開口，拎左都唔係幾食到。
旁邊既沙律吧無論菜類、配料定醬汁選擇都算多。 芝士亦有幾款配麵包餅乾，但個人比較鐘意creamy軟身既芝士，所以唔太合口味；另有藜麥、牛油炒雜菌、薯仔沙律同兩款火腿。
熟食選擇唔多，分成兩排有十幾款。
豬腳薑
51 瀏覽
0 讚好
0 留言
我選左以下幾款：
35 瀏覽
0 讚好
0 留言
豬肋骨醬汁幾惹味，肉質唔算好嫩滑、正正常常，可列為最受歡迎熟食之一。 蕃茄魚柳夠嫩滑，但魚味欠奉；咖喱雞可配薄餅，見咖喱汁較杰所以冇拎到，雞肉入味不過不失，所以兩款都係食過就算。
34 瀏覽
0 讚好
0 留言
三文魚幾肥美所以拎多左兩份，海鮮黎講蝦最鮮甜。 左上既薯仔沙律轉左用普通沙律醬，冇之前用蜜糖芥茉醬咁惹味。左下係炒菜心既貴妃蚌，配蒜蓉同炒，夠鑊氣又彈牙。 右下豬腳薑超級入味又啖啖肉，滿滿既骨膠原好好味。
可能藜麥食開酸酸甜甜醬汁，我覺得呢度整得冇乜味，只食到芫茜既草青味。 反而最大驚喜係薄火腿，成塊都滿佈墨西哥辣椒粒，帶辣椒香味得黎又唔會好辣。 蝦、豬肋骨同豬腳薑都值得encore。
甜品方面，生果同雪糕都經常沽清。 生果拎左西瓜、蜜瓜、菠蘿同火龍果，除左火龍果之外都幾甜，菠蘿最好食。 雪糕係雀巢，但一開始就俾人畢哂，職員亦冇再refill。 比較特別係可以自製pancake，按製後等一分鐘就有得食，質地煙韌。
31 瀏覽
0 讚好
0 留言
左上puff外層軟左冇食哂，灑上可可粉既mousse蛋糕最好味，填滿朱古力漿既朱古力撻都唔錯，但成塊有d膩。
整體選擇唔多，但質素還可以，唔夠飽仲可以去麵檔食返個喇沙。 不過人手有d不足，一人要負責幾個岡位，留意到切魚生既阿姐亦唔太衛生，戴手套摸完張台又繼續切魚生，員工培訓有待加強。
題外話/補充資料：
原價$198 (+10%)，信用卡有85折
(以上食評乃用戶個人意見 , 並不代表OpenRice之觀點。)
張貼
