Fauchon Paris Le Café (已結業)

首先以價錢比，佢係平嘅！二百蚊唔駛！再以味道比較，佢唔算出衆！最後以服務比較，佢係差嘅！我哋今次揀咗呢度食嘢，其實係因為行到攰攰哋想搵地方坐吓，所以就坐底咗！其實之前試過嚟呢度晚餐，味道唔錯，當時我哋係坐響舖入面晚餐嘅，而今次係住響外面high tea嘅！首先講吓啲食物先，件數款式都算多，甜點我覺得質素一般，但又未至於好差嘅，正常囉…咸點反而幾好❤！同埋我發現每次服務員拎出嚟嘅high tea set其中一件signature甜點係唔同嘅！我哋今次係酸酸哋嘅款式，可能我自己唔鐘意呢啲味道，所以見到人哋嗰啲係朱古力味就有啲唔happy下次會提佢哋幫我揀朱古力味先。至於點解我會講服務差呢…其實之前響舖入面食，基本上您舉手就有人埋嚟，但今次響外面食完全相反，係舉極手都無人理您！就算服務員見到我舉哂手，佢都擺出一副唔好嘅表情，嗰刻真心有啲唔likey！