Ben sir豆花店

營業中

休息中

同兩老飲完茶，老爸鍾意食糖水。就醒起附近有間糖水舖，就決定買幾碗外賣返屋企先食。其實路口唔算起眼，不過上次買唔到其他，路過見到就買過綠豆沙俾老爸食，而佢又幾鍾意，所以今次encore，順便試埋佢其他糖水。綠豆沙都足料裏邊落咗海帶香草。紅豆沙都起沙，另外陳皮味都突出，不過媽子就覺得佢冇刮瓜囊就差少少。紅豆沙綠豆沙純粹試味，自己就食咗一碗芝麻糊同埋黑豆腐花。芝麻糊唔太甜，雖然係凍但係芝麻香味十足。唔太甜亦啱我口味。豆腐花豆味都重，比起一般豆腐花啲味係濃厚d。相對出面新式糖水舖真係食唔到呢啲味道，難得可以食到有心製作嘅糖水，當然要推介一下。因為佢冇堂食，返屋企又遠，所以冇叫熱，覺得佢熱食應更加好味。