大壹冰室 (已結業)

去到荃灣平時都係掃街為主今日見到有間餐廳一直都好想試 平時見人山人海 都無機會試 就係大壹餐廳 食下午茶見到menu有好多種唔同嘅食物 見唔係好餓就點左一個芝士肉醬焗薯角 加多杯熱檸茶 芝士肉醬 有拉絲嘅感覺 肉醬唔係太鹹又有鮮茄味最重要 焗薯角 仲有少少脆脆哋唔會話濕得滯 鋪頭裝修 帶點懷舊 美國風 望到入面 廚房嘅一群廚師全部都係年青人冇諗過可以煮得咁出色 真係好後悔 開張咗咁多年 今日先嚟試 下次一定要再食可能係食午餐或者晚餐相信都會一樣咁出色 我見其他抬大部分人 都係飲即磨咖啡 下午茶最得人鍾意 轉即磨咖啡都唔使加錢 充滿誠意。