影片
更多
2015-01-06
467 瀏覽
回憶OPENRICE寫食評送戲飛嘅年代，轉眼間小弟嘅ID亦已經步入第八年。縱使我好似好耐冇見OPENRICE仲有送戲飛呢個令我當年勤力地寫食評嘅誘惑，但係我依然好感謝OPENRICE當年送畀我嘅戲飛。而我，亦唔再為咗戲飛咁市儈先嚟寫食評嘞。正因為咁，我就無聊睇吓自己經常幫襯嘅舖頭有冇食評，竟然畀我發現我幾乎日日幫襯嘅大家樂居然冇門口相，於是乎我馬上落樓，特意去影幾張相寫番幾句。相信住附近嘅朋友都會知道，呢間舖嘅前身係大快活，响佢冇繼續營業之後個舖位曾經丟空一段頗長時間，直至呢間大家樂開張為止。店內環境非常乾淨衛生。由於食客們嘅明星觸覺非常敏銳，當小弟拍攝之時竟然有多位食客主動望鏡頭，為左唔令佢哋上鏡，小弟就專業地幫佢哋戴番副「朦查查眼鏡」同埋「磨砂面罩」。猶記得剛幫襯時仲有十幾蚊早餐食，宜家望下個早餐牌，全部都變哂二字頭了。物價之飛漲，從基層飲食當中完全反映咗出嚟。昨晚凌晨至嘆完宵夜自助餐，因此我其實唔肚餓，但係為咗完善呢篇食評，我決定幫襯呢個E3早餐。佢原本係配牛油多士嘅，但係小弟早上唔太喜歡食硬嘢，因此轉咗蘿蔔糕，而呢款蘿蔔糕，亦不知填飽我多少個早上。不過我好老實，我總係覺得呢款蘿
相信住附近嘅朋友都會知道，呢間舖嘅前身係大快活，响佢冇繼續營業之後個舖位曾經丟空一段頗長時間，直至呢間大家樂開張為止。
店內環境非常乾淨衛生。由於食客們嘅明星觸覺非常敏銳，當小弟拍攝之時竟然有多位食客主動望鏡頭，為左唔令佢哋上鏡，小弟就專業地幫佢哋戴番副「朦查查眼鏡」同埋「磨砂面罩」。
猶記得剛幫襯時仲有十幾蚊早餐食，宜家望下個早餐牌，全部都變哂二字頭了。物價之飛漲，從基層飲食當中完全反映咗出嚟。
E3早餐
$21.5
106 瀏覽
0 讚好
0 留言
佢原本係配牛油多士嘅，但係小弟早上唔太喜歡食硬嘢，因此轉咗蘿蔔糕，而呢款蘿蔔糕，亦不知填飽我多少個早上。不過我好老實，我總係覺得呢款蘿蔔糕有一種味精嘅味道，所以佢都幾好味。
至於份炒蛋，佢滑得嚟仲好黃添！黃到好似加咗顏料一樣，之但係蛋味就真係唔多夠嘞。
果兩條腸仔就真係冇辦法，我唔明點解香港呢類腸仔無論邊隻牌子，都總係好鹹嘅！如果係我自己响屋企整，我會先用暖水浸佢兩個鐘等佢散走啲鹹味再煎香，令佢外脆內軟兼發脹，咁樣食起上嚟就VERY GOOD嘞！你都不妨試吓丫！
有冇人留意到我杯咖啡係外賣杯裝呢？梗係啦，拎番屋企慢慢嘆丫嘛！雖然佢只係一杯出身草根嘅即磨咖啡，但係根據我飲酒店即磨咖啡嘅豐富經驗，呢杯响快餐店下午茶時段單賣只係七蚊嘅即磨咖啡，同酒店飲嘅幾乎毫無分別，甚至比起某幾間酒店更加好飲添，邊個話平嘢冇好咖？平嘢冇好皆因你睇唔到之嘛！
臨走畀我見到員工阿姐個員工早餐好豐富仲好健康添，我馬上留步，問准阿姐，影番張靚相，佢仲特登暫停進食讓開畀我影，仲好醒目咁問我係咪貼上OPENRICE，唔該哂阿姐！
張貼
