Made in HK Restaurant (已結業)

不過不失的晚餐，平凡的粟米湯，平淡的沙律；主菜：肉醬大蝦意粉，平凡到以為去左快餐店，冇亮點，好想搵呢款意粉的味道重心，可惜冇，全部要有的料都有齊，肉醬，大蝦，鮮冬菇，意粉，可惜原來全部齊料都可以搵唔到一個核心味道，爭左high light, 諗緊欠乜？可以話唔香唔漏唔咸唔淡，呢道菜毫無性格，填飽肚罷了。另一道菜：鐵板牛柳拼春雞薯菜；7成熟的牛柳口味極差，我以為自己食緊漢堡扒，又諗緊會否用粉"那”過？又唔太似，總之如果唔係漢堡扒，呢塊扒唔合格。春雞的肉鞋過擦膠，如果以$198黎講，絕對唔合格。最正係樽芥辣似點中式燒肉的芥辣味，唔知笑死定嚇死好。整體係：無性格，所有野食都冇自己的風格，不喜歡