東海堂 (已結業)

今日文員話我們走的同事臨走時放低左幾張餅咭，想食左去，但得三張餅咭要十幾人食，後來我同佢講，呢間餅店有雞批，有芝士撻，個價錢可以配合到。我同事就換左一些芝士撻，同一些雞批，上次我介紹左雞批，今次唔多講，今次只講芝士撻，買到返黎就立即開黎食，文員買左幾個芝士撻，因為唔知好唔好食，所以只係換左幾個返黎，我就食左其中一個，每個芝士撻個面頭受熱都唔係太平均，有些就燶啲，有些就唔濃，我就揀左一個平均一點的，撻皮都好脆口，芝士味就唔太濃，入面既芝士饀一點都不滑，仲有啲鞋，食落個口感唔多好。如果比我揀，我情願食雞批都唔食佢，佢仲比雞批還貴多幾蚊，一點都不值！