金龍泉

營業中

休息中

平時星期六、日放假，都不會特別晏起身(可能是習慣了返工的生活)，所以每當假日起身後便會落街食早餐。之前都是會駕車出去食(因為屋企附近無乜餐廳，而且都很難食)，但最近屋企樓下的街市經過大翻身，開了很多餐廳，所以便決定去這些新開的茶餐廳一試。茶餐廳的早餐都不外乎是五香肉丁、沙嗲牛肉麵、火腿通粉這幾款，所以都不作特別介紹。而我每次去茶餐廳，都必定是食沙嗲牛肉麵(因為覺得最抵食同最好食)。今次落到去這間茶餐廳，都是點了相同的早餐。先講沙嗲牛肉麵，牛肉很多(我覺得比其他茶餐廳要多1/3)，牛肉很「林」，是我喜歡的口感，不過好多人都鍾意有咬口或者係火鍋的肥牛，而我比較鍾意食滑牛肉。味道都幾香，仲有啲花生味。至於個麵啲麵身唔淋，都唔錯。而餐肉煎蛋方面，應該係即煎，唔同其他茶餐廳係一早煎定，因為塊餐肉同隻蛋都係熱，係平時喺屋企啱啱煎好上碟即食的口感。而且一般茶餐廳係牛油方包，但佢哋係牛油厚多士，件厚多士上面都幾多牛油，而且仲係熱同脆，所以幾好食。整體嚟講，整個早餐係唔錯，值得一食。