影片
更多
2009-02-07
12 瀏覽
見到大家對呢間野咁不滿，等我為佢平反一下先。其實係呢區，以 $38 蚊去食一個 diiner，有咁既質素，都已經算係唔錯了。至於服務方面，成間餐廳得 6 張檯，每張大約可以坐 6 個人，2 個侍應，每人睇 3 張檯，其實個比例都差不多。好喇﹗入返正題先……晚餐分兩種，$32 包一個湯粉 or 飯 + 飲品，$38 包湯粉 or 飯 + 小食 + 飲品。如果唔鍾意既，可以問佢拎個 A4 咁大既餐牌睇睇，佢係有得散叫既，正所謂「路在口邊問」，大家唔開口問，又點可以肯定人地淨係得果幾個晚餐呢？我叫左一個 $38 餐，香茅豬扒湯河，越式春卷 & 鹹檸七 香茅豬扒湯河 — 賣相一般，不過味道唔錯，我覺得加少少碌林落去更好味 越式春卷 — 得一條，切開 2 邊，有少少意想不到，因為佢係即炸既，拎到埋黎我見到 D 滾油仲係度跳動緊，仲諗住 30 幾蚊既餐會求求其，整定一大堆咁 鹹檸七 — 都係普通鹹檸七味道，無乜特別，個汽水我覺得夠凍，飲到咁上下我已經凍到唔飲喇 （同場有人鬧個侍應，問點解 D 汽水唔凍)以平價晚餐黎講，我個人覺得呢間確實係一個幾好既選擇，不過比較適合小伙兒既朋友去，因
其實係呢區，以 $38 蚊去食一個 diiner，有咁既質素，都已經算係唔錯了。至於服務方面，成間餐廳得 6 張檯，每張大約可以坐 6 個人，2 個侍應，每人睇 3 張檯，其實個比例都差不多。
好喇﹗入返正題先……
晚餐分兩種，$32 包一個湯粉 or 飯 + 飲品，$38 包湯粉 or 飯 + 小食 + 飲品。如果唔鍾意既，可以問佢拎個 A4 咁大既餐牌睇睇，佢係有得散叫既，正所謂「路在口邊問」，大家唔開口問，又點可以肯定人地淨係得果幾個晚餐呢？
我叫左一個 $38 餐，香茅豬扒湯河，越式春卷 & 鹹檸七
香茅豬扒湯河 — 賣相一般，不過味道唔錯，我覺得加少少碌林落去更好味
越式春卷 — 得一條，切開 2 邊，有少少意想不到，因為佢係即炸既，拎到埋黎我見到 D 滾油仲係度跳動緊，仲諗住 30 幾蚊既餐會求求其，整定一大堆咁
鹹檸七 — 都係普通鹹檸七味道，無乜特別，個汽水我覺得夠凍，飲到咁上下我已經凍到唔飲喇 （同場有人鬧個侍應，問點解 D 汽水唔凍)
以平價晚餐黎講，我個人覺得呢間確實係一個幾好既選擇，不過比較適合小伙兒既朋友去，因為果度地方唔大。
張貼
