六本木茶房 (已結業)

想幫呢間餐廳平反一下。之前買咗個團購食dinner set.$99有扒有dessert有嘢飲仲有今H字頭家庭裝雪糕攞返屋企。因為冇試過呢間餐廳，去之前當然去openrice睇睇d食評，見到其他comment好多都話唔ok。好似waiter d態度唔好呀，d嘢食唔ok呀咁。。。睇完都有d驚。今晩去到之後好快就有枱，帶枱姐姐個樣有d惡但係態度幾好。佢哋assign咗張卡位俾我哋，坐得舒服。好快有個叔叔同我哋落order,都好有禮貌。隔離枱成班女仔order得好亂佢都冇黑面仲逐個逐個問，態度完全冇問題喎。講返食物，唔記得叫佢碟上，用咗鐵板上。雖然好似pepper lunch咁有張紙圍住鐵板，但d油都彈晒出來。我哋2個人叫咗一個牛一個雜扒拼大蝦。牛好食d,，一d都唔難食，雜扒差少少，但以價錢唻講一定係ok。之後上雪糕，有d紅豆蓉，幾好食都，同埋雪糕無熔到（可能舊燒蕃薯唔熱？不過我冇食舊蕃薯）。其實成晚由入餐廳，食嘢到埋單走人，完全都冇中伏嘅感覺。坦白講$99有埋雪糕俾你拎走，抵過花園餐廳喇。雖然我唔會encore呢度，不過我又覺得唔係咁差啫。