Olive Cafe (和富中心) (已結業)

之前住荃灣時經常食的Olive Cafe剛巧又係新居附近開左新分店，今日就帶埋好鍾意食Olive Cafe薄餅嘅老婆晚餐一齊去嘆嘆。😋Olive Cafe新店位於和富中心地下，設有戶外空間，餐廳設計簡約舒適，我地7點前已經到餐廳，當時仍未坐滿人。晚市餐廳提供左半自助形式的石燒及薄餅套餐，沙律，餐湯及白飯都是無限量添加的。澳洲M5黑毛牛板腱(150g) $195以不需$200可以食到150g 澳洲M5黑毛牛板腱已經超抵，而且呢個價錢仲跟埋餐同不需要加一。150g牛板腱好厚身，油旨甘香飽滿，肉質超軟腍。上枱前廚師會先把牛板腱兩邊烤香連同石燒板上，食客可按自己喜好用石板烤至自己喜歡的熟度。調味除左可添加黑椒和鹽之外，餐廳另外提供左幾款汁醬，當中我覺得沾蒜蓉汁味道最夾。😋Olive 銀鱈魚 $88老婆點的呢款銀鱈魚非常有驚喜，銀鱈魚外皮焦脆，魚油豐富，魚肉非常嫩滑，不需沾上醬汁都已經非常美味。😍另外無限量添加的餐湯質素都唔差，愛喝羅宋湯的我總共喝了三大碗呢。😆埋單每位約$150，性價比非常高。