忠記咖啡屋‧私房菜 (已結業)

忠記咖啡屋我同同事一星期都會去幾次西灣河店食lunch同埋早餐, 銅鑼灣呢間私房菜店我地之前黎過食二人餐, 食物質素唔錯, 價錢又實惠, 今日趁我地為食4人組全部都唔需要返夜, 一收工就一齊去食返餐。😙忠記咖啡屋銅鑼灣店主打私房菜, 雖然係樓上舖, 不過可能因為口碑唔錯, 客人都好多。我地7點未夠已到餐廳, 餐廳裝修簡約而光亮, 座位都幾寬敞舒適。晚市除左有每位計嘅私房菜, 仲有價錢比較平嘅2人同4人套餐。$688嘅4位用套餐, 包括私房靚湯, 稻庭烏冬, 北海道帶子, 半隻雞, 酥炸桶蠔大虎蝦, 菜, 糯米飯同糖水, 非常豐富, 我地今次就係食呢個4人餐。😁私房靚湯餐廳老火靚湯絕非一般茶餐廳貨色, 粉葛赤小豆豬骨湯味道濃郁, 唔會太咸, 味道唔錯。👍稻庭烏冬北海道帶子頭盤先食帶子冷烏冬, 帶子厚肉, 外層煎香, 爽滑彈牙嘅稻庭烏冬, 配上微辣嘅胡麻芥末醬汁, 感覺清新醒胃。😙金牌口水雞口水雞辣度適中, 雞肉肉質軟嫩, 既麻且辣, 香辛料味好有層次, 食到口水直流。😆酥炸美國桶蠔桶蠔超大隻, 外層炸至酥脆, 外脆內軟, 蠔肉鮮味濃郁, 蠔汁豐腴。😋茄汁爆原隻大虎蝦最有驚喜係每人一隻嘅特