影片
更多
2019-06-14
407 瀏覽
香港食親自助餐冇800幾900蚊都落唔到樓，今晚突然想平平地嘆個自助餐，係openrice搵到呢間酒店嘅自助餐幾抵食，一於同男朋友黎試下。首先冷盤嘅種類都算多，有沙律菜、大蝦沙律、火腿、prama ham配哈密瓜、三文魚刺身、螺肉同埋壽司等等。海鮮方面有大大隻嘅生蠔同埋不停refill嘅蟹腳。水果方面有西瓜、菠蘿同埋蜜瓜。熱食方面比較印象深刻嘅有白切雞、辣汁雲耳、麻辣豬耳、炸蟹鉗、炸凌魚球、燒汁牛柳粒同埋蒜香雞扒等等。另外一邊嘅熱盤仲有好多不同種類嘅家常小炒例如翠玉瓜炒大蝦雞柳、蘿蔔炆牛腩、咖喱燴青口、燒鴨胸、豉汁蒸魚等等。甜品種類唔算多，個人最鍾意食呢一款自製嘅pancake!加埋牛油、蜜糖同埋cream一齊食，好味道! 另外仲有Dryers雪糕同埋雪糕糯米磁任食唔嬲。7:45pm 仲有壓軸登場嘅火焰雪山。。
熱食方面比較印象深刻嘅有白切雞、辣汁雲耳、麻辣豬耳、炸蟹鉗、炸凌魚球、燒汁牛柳粒同埋蒜香雞扒等等。
另外一邊嘅熱盤仲有好多不同種類嘅家常小炒例如翠玉瓜炒大蝦雞柳、蘿蔔炆牛腩、咖喱燴青口、燒鴨胸、豉汁蒸魚等等。
甜品種類唔算多，個人最鍾意食呢一款自製嘅pancake!加埋牛油、蜜糖同埋cream一齊食，好味道! 另外仲有Dryers雪糕同埋雪糕糯米磁任食唔嬲。
7:45pm 仲有壓軸登場嘅火焰雪山。
。
張貼
