薩莉亞意式餐廳 (新都城中心一期)

營業中

休息中

薩莉亞嘅食物價錢非常大眾化，呢個好多人都知，其實除咗平之外，佢嘅食物亦都係唔差架，平嘢唔一定無好嘢今日我就買咗一個黑松露野菌忌廉意大利粉（外賣加$1）打開個蓋已經聞到好強勁嘅黑松露味，意粉嘅份量唔少，每條意粉都爽口又彈牙；但相對之下就會覺得野菌就少咗d喇 D菇新鮮又juicy，如果可以多幾粒嘅話就真係無得彈幾乎每一次去薩莉亞都會見到係座無虛席，（非繁忙時間除外）我覺得喺薩莉亞用餐其實係一件幾開心嘅事除左因爲佢真係提供到一個非常大眾化價錢而且又美味嘅食物之外，嗰度嘅環境亦都好舒適唔會話食物平就要你坐得好迫好辛苦，要你食完就快d走人。就係呢幾點令我覺得薩莉亞都稱得上係一間良心企業