大快活

營業中

休息中

近排環境唔係咁好，食飯都要慳住，所以都係光顧啲平價快餐店，不過慳得嚟都唔一定冇好嘢食，今日食嘅呢碟鐵板黑椒牛烏冬，連埋杯輕糖凍綠茶都只係HK$ 35，抵到一個點！呢排嘅牛肉相對抵食，因為豬肉就算你夠膽食都未必食得起，而呢個餐嘅牛肉都切得頗厚，咬落有質感，有五、六成熟，肉汁豐富，塊鐵板亦燒到好紅，發出「吱吱」聲，好有「鐵板」feel，成個製作都唔似係平價餐。至於烏冬亦係煮得彈牙有咬勁，而且煮嗰陣亦唔會用太多油，唔會有食滯嘅感覺。不過最令猴子滿意嘅都係杯輕糖凍綠茶，少少嘅甜味，入口甘涼，用嚟對沖黑椒嘅辣味就啱啱好。