芳華絕代 (已結業)

今晚約了朋友吃飯，她在網路上找到這間泰國店都坐得不錯就來吃晚餐，二個女仔來到叫了幾款食物和湯，最後每人一百五十元都可接受，首先來的是沙爹併盤，內有牛，豬，雞各二串，講真牛同豬不太份到，口感一般，雞肉不錯，沙爹味不夠濃。蝦炒金邊粉份量都比較少有失望，辣椒粉比心目中辣，建議不好混一起食，味道都不錯但配菜不多，蝦都新鮮，都幾大隻。喜歡辣的我們當然再叫了個冬陰公湯，味道反而不太辣不錯，入面有海鮮同青口都幾新鮮，反而配菜如菇不太多，每人二碗多點都夠飲。最後叫了蠔蛋，份量都幾多，但有少油身，最後食一半就沒有再食，蠔都大隻而鮮甜，炸得口感幾特別，比較少食，配上辣醬都幾惹味。