嚐泰泰國餐廳酒吧 (已結業)

這幾年都平安夜倒數活動玩得太盡，偶爾想試一個寧靜的晚上，於是相約三五知己食些平安夜冷門菜—泰菜。雖然由灣仔地鐵站一出，只需行三兩分鐘，但樓上私房菜似的間局，令這餐廳變得隠士一樣，有心人才會遇上。座位以卡位設計，令每圍都有自己的一個空間，不會太嘈吵。侍應反應都很快，有時可會同時兩位在場SERVE我們。泰式柚子沙津份量很大份，柚子肉脹卜卜色澤紅潤，入口都甜中帶點酸，加有椰子絲及花生，蝦肉都有椰子香，蝦味不濃，勝在夠爽口，沙律都挺開胃口！泰式安格斯牛扒比想像中薄及少，雖然肉面燒烤過又加了芝麻，但略生未夠燒香，顏色未夠深，咬口亦太韌，大概肉質太瘦未見油脂所致，味道淡而無味，蘸上醬油都未能提升牛味，選錯菜式了。炸蝦餅上菜有八、九件蝦餅，剛炸起還很熱燙，外層肉地結實，咬口相當彈牙，咬開蝦酥味濃郁，還夾雜點點紅蘿蔔粒於其中，配以甜酸醬食起更入味！馬拉炒通菜亦較其他餐廳大碟，醬汁很多，帶有海鮮咸魚香，通菜新鮮食得很脆口但帶渣，咸度非常足夠，帶了點辣度，夠香口。佳節並無特別收費，坐得舒適，跟朋友們傾得盡慶最重要。