碧翠咖啡閣 (已結業)

男朋友一早買定自助餐卷, 諗住五星級酒店, 吾會差得去邊....尋晚七點準時到達, 凍海鮮係我至愛, 即刻揀了凍龍蝦, 長腳蟹. 可惜龍蝦一點鮮味都無, 蟹就仲差, 賣相似 "廁所擦", d 肉韌到食吾到. 生蠔仲有沙添. 湯只有雜菜湯同粟米魚肚羹, 連宜家好多酒店自助餐都有既老火湯, 佢都無. 日式刺身同壽司款式少. 熟食都不吸引. 大蝦球帶子, 蝦很爽, 帶子似魚旦. 反而燒烤的牛仔骨係全晚最好食. 甜品都是一般西餅, 無朱古力噴泉..... 食過咁多自助餐, 這晚的算是最差了. 希望酒店好好改善食物既質素, 否則以這個價錢, 真係完全吾抵啊 !!!