大快活

營業中

休息中

平安夜到叔叔家慶祝, 叔叔在大快活訂了一個套餐, 整體味道幾好, 不過唔知係咪預先整好等我地拎, 所以d野唔夠熱~ 妹妹之前同d同學都訂過同一個餐, 佢話呢間分店比慈雲山的好。香芒大蝦沙律: 沙律底包括富士蘋果, 西芹, 薯仔同青瓜, 面頭舖了士多啤梨, 車厘茄, 芒果同大蝦, 味道幾清新。春卷和咖哩角: d皮淋晒而且唔夠熱, 我呀叔話同自己買既急凍咖哩角差不多。肉醬意粉: 味道幾好, 雖然不夠煙韌, 但已比一般快餐好得多, 不會淋betbet一patpat, 不過小朋友就覺得有d辣。芝士焗西蘭花及椰菜花: overcook得好緊要, 一夾就散, 幸好大家喜愛淋既蔬菜, 所以最後都清晒。關東煮: 呢個真係值得一讚, 完全估唔到咁好味lor~ 白蘿蔔夠淋夠入味, 海苔夠爽口, 蒟蒻夠煙韌, 腐皮福袋入面係日本年糕。炸雞: 冇食, 不過其他人話雖然凍晒,但味道都唔錯。 雞翼: 都冇食到, 不過焗得幾靚, 而且不聽到有人話唔好味。楊枝甘露布甸: 似一個加左柚肉既芒果布甸, 一d西米都冇, 味道麻麻。