Monster Sushi (已結業)

今年平安夜同豬豬出左去睇戲，順便食個聖誕大午餐﹗之前驚死無位訂定位先，點知都成晏就點半架啦，但成個isquare都無咩人... 唔通個個都真係夜晚先出動入到去都大把位，由於係平安夜，佢有特別聖誕set，叫做「聖誕怪獸二人餐」都幾多嘢食架... 同幾抵咁... 唔知夜晚係咪都賣呢個餐呢 定係同餐唔同價呢 好喇~ 快d睇吓節日d嘢食有無番平時嘅水準先~賣相好得意~ 呢d新派沙律又幾好味喎...個賣相好靚呀﹗都幾新鮮﹗呢個係將大大粒帆立貝切粒，再加d洋蔥、煙肉同沙律醬，再鋪上芝士去燒，都幾好味~呢個一般牛肉鍋咁啦，無咩特別，不過天氣咁凍，暖下個胃都幾好﹗嘩~ 估唔到二人餐會有咁大盤壽司，點食得晒呀... 有成十四件壽司再加4件卷物...不過用料都絕不欺場喎，都有大大隻蝦、油甘、蟹腳等最後我地只能夠食左件大大隻蝦，其餘嘅都打包為今晚自己煮嘅愛心聖誕大餐加料真係有成隻手指咁長架隻蝦...呢個甜品就普通啦﹗不過成餐飯，黎番個甜品，都幾滿足架﹗總括黎講呢餐都幾滿意，節日出街食嘢都算係咁囉...