影片
更多
2013-04-20
381 瀏覽
12月24日, 平安夜午餐, 諗住食餐好d嘅, 所以揀咗呢間米芝蓮推介chez patrick嘅deli版試下~ 可能大部份仲要返工嘅打工仔都諗住lunch食餐好d, 所以全個Brim 28範圍都有唔少食客… 我地都等咗一陣先有得食!::: Bread Basket :::落單無耐侍應就奉上呢度嘅特色麵包籃~ 麵包係軟身法包, 質地厚密, 搽埋牛油食可以突出到麵粉香, 但係麵包唔夠熱, 食落亦比較軟韌…::: Lobster Bisque + Braised Beef with Ratatouille and Couscous ::: $125我地各自要咗個湯加主菜~ 可能今日係平安夜, soup of the day竟然有龍蝦湯! 不過呢個龍蝦湯實在令我地有d失望… 皆因佢味道點飲都十足十罐頭湯一樣, 質地稀, 味道偏鹹而無龍蝦鮮味, 間中仲飲到d蝦殼… 呢個燉牛肉主菜就犀利喇… 我地眼見隔離左右d人都有晒野食但我地都未有…真係跟足法國菜傳統要我地等足45分鐘先上到菜! 呢個牛仔肉已經切好上碟, 見到牛肉色水嫩紅, 咬落肉味濃郁唔韌, 又真係做得唔錯嘅~ 伴菜係燴雜菜, 有d彩椒茄瓜
::: Bread Basket :::
落單無耐侍應就奉上呢度嘅特色麵包籃~ 麵包係軟身法包, 質地厚密, 搽埋牛油食可以突出到麵粉香, 但係麵包唔夠熱, 食落亦比較軟韌…
::: Lobster Bisque + Braised Beef with Ratatouille and Couscous ::: $125我地各自要咗個湯加主菜~ 可能今日係平安夜, soup of the day竟然有龍蝦湯! 不過呢個龍蝦湯實在令我地有d失望… 皆因佢味道點飲都十足十罐頭湯一樣, 質地稀, 味道偏鹹而無龍蝦鮮味, 間中仲飲到d蝦殼…
呢個燉牛肉主菜就犀利喇… 我地眼見隔離左右d人都有晒野食但我地都未有…真係跟足法國菜傳統要我地等足45分鐘先上到菜! 呢個牛仔肉已經切好上碟, 見到牛肉色水嫩紅, 咬落肉味濃郁唔韌, 又真係做得唔錯嘅~ 伴菜係燴雜菜, 有d彩椒茄瓜同青瓜粒粒咁, 用上番茄汁去燉煮, 蔬菜質地軟腍帶酸, 可以減低牛肉膩感. 另外仲有少少couscous, 細細粒索埋d牛肉汁有咬口亦更惹味~ 好彩呢個主菜都好食, 唔會浪費我地等咗咁耐!
::: Lobster Bisque + Potato Gnocchi with Goat Cheese ::: $125其實平時好少食gnocchi, 不過set lunch三揀一之下加上對呢度出品都有信心, 於是即管叫嚟試試~ 不過就算係chez patrick都唔可以為呢個gnocchi帶嚟咩驚喜… gnocchi質地煙韌, 配上酸酸甜甜嘅醬汁食亦頗開胃… 但我就懷疑呢個蔬菜汁同個醬其實同個braised beef嘅ratatouille差唔多… 而同時羊奶芝士又好濃味… 但同d gnocchi同番茄醬又唔係好夾, 食多幾粒已經好膩… 迫於無奈食剩咗大半兜…
野飲都係穩陣d叫咗凍檸茶, 但都等咗一陣先嚟~ 茶就係普遍西式紅茶, 味道唔算濃, 檸檬雖然有三片但又唔係話好夠味… 普通啦.
論環境其實呢間chez Patrick deli確實係唔錯嘅… 不過唔知係因為今日平安夜太忙定點, 不論服務同食物都令我地有少少失望… 食一個法式快餐用成2個幾鐘, 當中有成個鐘係用嚟等上菜就更加離譜! 睇在patrick份上, 今次唔洗出到喊面啦~ 不過要再翻食, 可能都要隔番一段冷靜期去冷靜下先.
張貼
