希奇咖啡店 (已搬遷) 新店位置

荃昌中心餐廳其多，行得有點累，希奇咖啡店卻稀奇有位，二話不說就坐下。望下餐牌，價格竟然係3字頭，睇真d，原來加湯&餐包要+$7，凍飲又另外加$7，特飲+$10，計落同其他餐廳差唔多.....白汁煎三文魚飯，白汁太清淡，三文魚薄切，但煎得不錯，飯只有一球，如果唔係之前食左個肉餅，一定唔夠飽，餐湯一小碗，餐包係一塊蒜蓉包，慶幸都脆脆的。另外叫了個煎豬扒大蝦配薯菜，賣相比三文魚飯好，但份量一樣少!大蝦雖然唔大，但炸得夠脆，火夠猛，唔會黏油薯菜就唔好提，得幾條薯條叫左杯話梅特飲，淡左d，濃返d會唔錯!兩個餐埋單差不多$100，一分錢一分貨，如果細食都算不差!