蒲羅

營業中

休息中

假日突然間想食新加坡菜，搭幾個站去新都城食”蒲羅”。喺度食午餐一啲都唔貴，一個set可以5x就落樓。另外可以平價加啲小食，例如鹹蛋魚皮只係22。海南雞飯拼喇沙 - 以為會好Heavy原來又唔係，海南雞幾好食。都係嗰句，新加坡式嘅海南雞飯先會有甜豉油。唔好再問點解泰式嘅冇了。喇沙就正常。蒲羅蝦麵 - 幾好食，兩種麵線拼埋一齊，屋企人好鍾意。鹹蛋魚皮 - 係就係平，但凍嘅，幾失望咖央多士 - 唔夠熱，但味道搭救，幾好食，又唔會好膩。最後嗰個雞翼清湯河，好明顯係偏食嘅屋企人叫”全走”嘅效果😂😂，原本應該係靚仔好多。