平靚正西餐 (已結業)

位於街市內一間舖仔，佢個名都好得意，平靚正我哋喺5:50左右嚟到，仲可以叫下午茶餐。下午茶餐好抵食，好多嘢食選擇。我哋先叫咗兩份茶餐。朱古力都幾香濃。奶茶都重茶味。黑松露薯角分量幾多，剛剛新鮮炸好，感覺好真材實料，一上枱就聞到黑松露嘅香味。蛋餅料足，我哋揀咗肉鬆同埋粟米。佢其實仲有好多料選擇，都幾特別。熱狗好大份，茄汁同埋芥末吱得均勻，食落味道剛剛好。條腸仔都好好味，包又夠香脆，正！炸魚都同樣係啱啱炸好，好香脆。柚子雞翼好大隻，香脆，炸野熱氣但好似加咗柚子蜜之後溫和返，好好味。香脆雞翼有少少辣，外脆內滑最後我哋兩個食完兩份下午茶餐，覺得都係嗌多一份意粉開心啲🐖🐖所以單點左個卡邦尼煙肉意粉，意粉中多煙肉及洋蔥，非常之香。食嘅時候都聽到好多人叫外賣，店員都好忙，但服務態度好親切好好人。呢一樣野就係喺街市中的人情味。