影片
更多
2020-10-30
302 瀏覽
呢間餐廳係大坑，幫襯過幾次，都真係好抵食又好味。咖央多士($20)，多士薄薄地烘咗，入面查咗咖央醬，甜甜地好香，記住上咗枱就要快啲食唔係凍咗麵包就會硬咗。香煎脆邊蛋肉餅飯($38)，加埋佢啲豉油連埋佢個蛋黃撈埋食，真係好香好好味。蛋炒豬腸粉($20)，呢個好明顯炒得好香啲雞蛋都幾足，基本上每條腸粉都有啲雞蛋。而且呢個價錢來講份量都唔少，兩個人食當小食食都覺得有少少多。滑蛋叉燒飯($35)，我覺得呢個就相對比較一般，首先個蛋唔夠滑，二黎啲叉燒切咗細粒，食落冇乜口感食唔到叉燒味。反而會覺得如果學肉餅飯做脆邊蛋會好食啲。呢間餐廳啲嘢喺大坑來講算非常之平，環境就真係唔係坐得好舒服啦，夜晚時間你通常都係一張圓枱要同人搭枱。款式就唔多嘅，一張紙寫晒咁多款，今次試咗四樣就覺得其中三樣都好好食，所以呢間餐廳都幾推介。
咖央多士($20)，多士薄薄地烘咗，入面查咗咖央醬，甜甜地好香，記住上咗枱就要快啲食唔係凍咗麵包就會硬咗。
香煎脆邊蛋肉餅飯($38)，加埋佢啲豉油連埋佢個蛋黃撈埋食，真係好香好好味。
蛋炒豬腸粉($20)，呢個好明顯炒得好香啲雞蛋都幾足，基本上每條腸粉都有啲雞蛋。而且呢個價錢來講份量都唔少，兩個人食當小食食都覺得有少少多。
滑蛋叉燒飯($35)，我覺得呢個就相對比較一般，首先個蛋唔夠滑，二黎啲叉燒切咗細粒，食落冇乜口感食唔到叉燒味。反而會覺得如果學肉餅飯做脆邊蛋會好食啲。
呢間餐廳啲嘢喺大坑來講算非常之平，環境就真係唔係坐得好舒服啦，夜晚時間你通常都係一張圓枱要同人搭枱。款式就唔多嘅，一張紙寫晒咁多款，今次試咗四樣就覺得其中三樣都好好食，所以呢間餐廳都幾推介。
張貼
