影片
更多
2022-09-10
790 瀏覽
今日同同事們出去食午餐，本身呢條街有好幾間都係食泰國野既，但同事介紹果日間就無開，亂行之際就見到呢間泰好運有開門，就求其入去試下啦。入到去唔知係味老闆娘就話湯係自助既，煲左一大煲擺係出面自己拎，由於我地係第1，2枱客，湯都仲好熱，但如果人多時個個衝出去拎又無蓋冚又好似唔太衛生。今日既湯係冬瓜芫荽肉碎，飲落就偏咸少少，有d冬瓜食下消消暑都唔錯。飯未到時又影下d環境，小店坐位都唔算多 ，幾張4人位加幾張長枱長櫈，如果人多坐埋一齊都ok，人少可能就要同其他人一齊坐，另外燈光都比較暗，見到天花都有d小燈泡可能晚市先開增加氣氛。海南雞飯，同事食海南雞飯，配油飯，雞既份量都唔少，雞都算幾滑，皮都幾爽，油飯唔會太濕，呢個價錢包埋野飲抵食。清邁豬手飯，小弟揀左呢個，豬手煮得好淋身，又唔會話過淋到爛果隻，份量都唔少配埋果種甜甜地既醬汁好開胃，另有半野鹵蛋正正常常，飯既口感都唔錯，推薦。肥牛炒烏冬，有同事唔太鍾意食泰國野，就揀左個比較港式既炒烏冬，呢個就中伏了，先講賣相好似好濕好油咁，再加埋d唔夾既3色豆，急凍3色豆有雪味，佢就話好難食，所以奉勸大家去泰國餐廳食返泰國野安全d。另有一位同事食個咖哩唔知咩
入到去唔知係味老闆娘就話湯係自助既，煲左一大煲擺係出面自己拎，由於我地係第1，2枱客，湯都仲好熱，但如果人多時個個衝出去拎又無蓋冚又好似唔太衛生。
今日既湯係冬瓜芫荽肉碎，飲落就偏咸少少，有d冬瓜食下消消暑都唔錯。
飯未到時又影下d環境，小店坐位都唔算多 ，幾張4人位加幾張長枱長櫈，如果人多坐埋一齊都ok，人少可能就要同其他人一齊坐，另外燈光都比較暗，見到天花都有d小燈泡可能晚市先開增加氣氛。
海南雞飯，同事食海南雞飯，配油飯，雞既份量都唔少，雞都算幾滑，皮都幾爽，油飯唔會太濕，呢個價錢包埋野飲抵食。
海南雞飯
29 瀏覽
0 讚好
0 留言
清邁豬手飯，小弟揀左呢個，豬手煮得好淋身，又唔會話過淋到爛果隻，份量都唔少配埋果種甜甜地既醬汁好開胃，另有半野鹵蛋正正常常，飯既口感都唔錯，推薦。
清邁豬手飯
17 瀏覽
0 讚好
0 留言
肥牛炒烏冬，有同事唔太鍾意食泰國野，就揀左個比較港式既炒烏冬，呢個就中伏了，先講賣相好似好濕好油咁，再加埋d唔夾既3色豆，急凍3色豆有雪味，佢就話好難食，所以奉勸大家去泰國餐廳食返泰國野安全d。
肥牛炒烏冬
32 瀏覽
0 讚好
0 留言
另有一位同事食個咖哩唔知咩飯，無問太多就純影個賣相俾大家睇睇吧。
飲品方面茶膽同咖啡都係用返泰國貨，奶茶咖啡會同港式味道有分別，呢樣就同大部分既泰國餐廳做法一樣的。
整體黎講午餐算係平靚正，50蚊唔洗都食到好味又要飽既泰式午餐，值得一試。
張貼
