泰好運泰國菜館

營業中

休息中

今日同同事們出去食午餐，本身呢條街有好幾間都係食泰國野既，但同事介紹果日間就無開，亂行之際就見到呢間泰好運有開門，就求其入去試下啦。入到去唔知係味老闆娘就話湯係自助既，煲左一大煲擺係出面自己拎，由於我地係第1，2枱客，湯都仲好熱，但如果人多時個個衝出去拎又無蓋冚又好似唔太衛生。今日既湯係冬瓜芫荽肉碎，飲落就偏咸少少，有d冬瓜食下消消暑都唔錯。飯未到時又影下d環境，小店坐位都唔算多 ，幾張4人位加幾張長枱長櫈，如果人多坐埋一齊都ok，人少可能就要同其他人一齊坐，另外燈光都比較暗，見到天花都有d小燈泡可能晚市先開增加氣氛。海南雞飯，同事食海南雞飯，配油飯，雞既份量都唔少，雞都算幾滑，皮都幾爽，油飯唔會太濕，呢個價錢包埋野飲抵食。清邁豬手飯，小弟揀左呢個，豬手煮得好淋身，又唔會話過淋到爛果隻，份量都唔少配埋果種甜甜地既醬汁好開胃，另有半野鹵蛋正正常常，飯既口感都唔錯，推薦。肥牛炒烏冬，有同事唔太鍾意食泰國野，就揀左個比較港式既炒烏冬，呢個就中伏了，先講賣相好似好濕好油咁，再加埋d唔夾既3色豆，急凍3色豆有雪味，佢就話好難食，所以奉勸大家去泰國餐廳食返泰國野安全d。另有一位同事食個咖哩唔知咩

其實呢一帶附近有幾間泰國野食，因為全部都未食過所以求其揀間。價錢正正常常，但係老闆娘好好人，招呼周到，仲請我地飲啤酒🍻我地食食下問佢係咪有炸豬皮賣，佢仲話請我地食，真係超好客。食物質素整體都唔錯，因為附左一份親切感所以一定會再幫襯。.生菜包 - 少少辣好惹味，肉都多算抵食.無骨鳳爪 - 酸酸辣辣非常開胃，配菜嘅洋蔥同蘿蔔絲都好食！.泰式豬頸肉炒椰菜苗 - 好香口，豬頸肉又爽口，大大碟唔錯！.泰式金邊粉 - 推介！唔會太酸，味道剛好！.明爐烏頭 - 剛剛熟，魚肉都滑，揀咗冬陰功湯底，味道唔算突出，不過另外俾咗碗湯我地，嗰碗就超濃味

今日嚟到泰好運叫咗個青咖喱雞飯同我想像中…好唔同呢個係青咖哩？？青 ？？啲咖喱就稀稀地咁，都食得落口嘅…入面有啲豆角、茄子、蕃茄仔都唔差有湯，要自己出去筆不過見到有啲食客冇戴口罩咁出去筆驚驚地🥲但個湯係好飲嘅有少少肉碎

佢個蠔仔蛋飯都算好食呢一日好開心 啲蠔好大粒唔係次次都咁大粒😆😆都幾好食 飯有少少乾但想食蠔仔🦪 啲飯乾都照叫🤣叫杯凍檸茶就fit晒覺得食到口乾就飲一啖唔係間間泰國菜館都有蠔仔蛋飯仲要咁平嚟到真係要試吓

經住在元朗朋友介紹 竟然發掘到依間隱世平民抵食泰國野眾所皆知 元朗泰國餐廳林立 但真正價錢相宜實在不多 依間位於朗屏食店實在乎合本人慳家又食得飽的要求和老闆娘言談之間 發覺她真是正宗泰國人 侍客態度一流 有紫菜湯送 甜品又有椰汁糕送（可惜忘記影相） 係現在百物騰貴的環境下 依啲帶著濃濃人情味平民小店真係值得大家去光顧！最重要係不會似某d餐廳會限時食 不會趕客 和三五知己談天都唔會趕你走 !食完一次之後真係難忘依間餐廳各種美食的味道 大家真係不妨一試！

起元朗食lunch, 有人介紹， 地點新水邊圍，冇人帶真係唔識黎，但都近西鐵站既，行十分鐘到。呢間野勝在夠抵，46蚊任飲湯，包野飲！我地叫左泰式雞翼飯，金邊粉，同埋豬手飯。雞翼飯就比較普通，似普通嘅香茅雞翼飯，有4隻雞翼。豬手飯都還可以，不過同圖有啲複雜，圖嘅豬手比較靚仔啲。金邊粉係最正常。46蚊黎講算係抵啦！湯就係冬菇肉碎同埋芫荽，我覺得有少少鹹，似係粉面嘅湯。其實整體我係覺得唔錯嘅，唔可以話有驚喜，但係勝在價錢夠平民！

之前試咗小曼谷泰國菜，今次 近近地就嚟呢度食🍲座位都幾闊落、好坐，有冷氣嘅大排檔feel， 之前都嚟食過，多數食濕炒豬肉河粉， 貪佢唔油膩、豬肉片滑溜、濕濕地、同好多菜食 今次叫咗金邊粉食🍲😚泰式豬手金邊粉熱辣辣送上 食麵最緊要夠熱，D餸唔係好多， 湯底ok夠香夠濃✌， 蘿蔔夠腍、入味、無渣 ，可惜太少嘞，唔夠喉，加多一兩塊會好啲， 豬手炆得幾好，入口即化， 以午餐嚟講，這個分量有啲唔夠，畀多少少餸會好啲( 我係一個貪心嘅人)凍檸賓👩‍⚖ 食物味道係ok嘅，啲餸多少少會好啲囉，I 🥕

自己一個唸唔到食乜，就求其揀一間喇呢度d例湯係放係度自己去羅紫菜豆腐湯，入面加左d椰菜同芫茜，不過就甘放係度又無嘢遮住其實都幾唔衛生，希望唔會肚痛喇熱辣辣唔想食湯麵，叫左個海南雞飯食凍檸荼少甜左都ok，唔會無茶味油飯係幾香既，雞既份量都唔算少，不過d雞有骨又唔滑，有幾舊仲係鞋口既，同埋食落去唔係好似海南雞wor，幸好仲有醬汁俾我撈下飯，個醬就真係一流，清香帶酸甜埋單$40+$2凍飲，價錢就算係甘喇

Lunch time 去食泰國菜😁呢度環境一般般但幾多人黎食。我地叫左海南雞飯（$40）豬手飯（$40）乾炒海鮮河，整體味道都不錯。海南雞飯係配油飯都幾香，雞肉質素不錯挺嫩滑。豬手飯味道不錯豬肉幾入味，但可惜豬皮有毛😅 乾炒海鮮河有蝦、青口、魷魚等和醬料一起炒，河粉都炒得乾身，味道不錯。______________________________我地呢班大食女鐘意走黎走去搵好野食，如果邊度有好推介記得同我地講😏❤️我地一齊交流下😘❤️鐘意我地的分享，記得按👍及share❤️

今日黎食lunch，好耐無黎過，入去食下叫左個雞肉濕炒河同肉碎飯員工極懶散，圍爐一直吹水，吹到餐具都唔會比你就算拎比你，餐具都好污糟，筷子上有上一手或上幾手既漬濕炒河竟然水到碗上河粉碎到夾唔起成碗野咸到洗腎河粉夾多兩夾原來已經無了咁大個人未食過咁既濕炒河咁就$42肉碎飯肉碎肥肉多過普通肉碎咁都可以收$42埋單$84 整體感覺係比人搶緊錢總結完全唔知自己食左乜以前未轉手前好似真係唔係咁而家真係唔駛錢都唔會再去

今日同朋友行完山就話去元朗食野，之前朋友已黎過話吾錯就話再去，今日7點黎到都仲有吾少位（原來有2間，位置比較多）我地4個人最後叫左個2人餐加野食，最後每人$130都幾抵食。青木瓜沙律..比心目中辣喎，份量都適合，青木瓜但切得太大片，味道不錯。沙爹豬和雞半打..有失望，燒完吾似燒左咁，最重點係沙爹醬吾好食，吾會再叫。小食併盤..好味道喎，熱呼呼又新鮮，好脆口又足料！～每款有2件人人有份。咖哩雞加薄餅..咖哩吾夠辣，雞係用雞肉幸好都吾太硬身，椰汁味偏多，薄餅都夠多又脆吾太油。炒雜菜..炒得好香又好味，但菜太熟就淋身左少少。生菜包..好味道，吾太咸又夠辣度，豬肉炒得好香配上生菜推介叫黎食，而且待應見我地仲有豬肉仲比多幾片生菜我地添。龍眼冰和椰汁冰...好味喎，吾太甜又足料而夠凍！～龍眼冰推介！！之後差不多食完送甜品..吾太甜口感吾錯，但之後我地再叫左個芒果白糯米飯就吾好味，太甜同冇咩味，失望。