圓方餃子粥麵

營業中

休息中

其實我都睇過好多食評，大部分都話依間嘅餃子好好味！所以今日就專程嚟深水埗圓方試一試！我就叫咗一碗魚湯韭菜餃！落單之後等咗大約五分鐘餃子就送到你前面！但可惜嘅就係湯同餃子都唔夠味！好多人講個魚湯好好味，但我就覺得湯只係睇起嚟似魚湯，因為我真係飲唔出有咩魚味！至於餃子，當然有韭菜味，但整體都係偏淡冇肉味！圓方唯一我覺得比較好嘅地方係價錢唔算貴！魚湯韭菜餃一碗26蚊！但依個理由就唔足以叫我返轉頭再去食！