韓登 (已結業)

今次要評論既餐廳，係The One既韓登🇰🇷 之前行過呢間餐廳，都少見好多客，Full哂既情況👀 呢一晚同屋企人The One睇戲，就去韓登食晚飯。愛麗絲點既係炸醬麵，都幾大碗，炸醬有肉同薯仔，唔會太甜，麵偏淋，不過就Arm愛麗絲口味，成個菜唔錯，食落都好暖胃👍🏻 而爹啲就叫左個年糕拉麵，年糕好彈牙，係愛麗絲中意既口感😂 個湯第一啖試落就唔係好辣既，熱熱地，不過食落就會愈泥愈辣喇🙈 但都Ok既，唔會話辣到完全食唔到。而且有椰菜同蛋等為伴菜，成道餸都幾豐富咖😀最後就係媽咪叫既韓國壽司，壽司有蛋丶黃瓜丶青瓜丶蘿蔔同午餐肉等，材料其實好普通，又唔係話特別好食，賣相可以再吸引啲，不過見佢都有成十二舊，份量都Ok既。其實嚴格泥講，韓登唔係話唔好食，平均約$90以上既價錢，有咁既份量都算合理既，不過個人認為韓登仲有好大進步空間😳 如果味道唔出色啲，只怕終有一日會被淘汰出The One呢個咁Competitive既Market😳😳😳