影片
更多
2014-06-01
5126 瀏覽
朋友介紹話呢間食肆係名店福臨門的班底出黎開的, 自問無本事去富豪飯堂福臨門食飯, 見呢間家全七福開係呢個地點, 斷估點都會平D掛. 雖然我唔知福臨門咩價位, 但黎到家全七福一睇個菜單, 有D難以至信既感覺, 一籠叉燒包要六十蚊!!! 咪成廿蚊一個? 再睇落去, 真係有D唔好意思, 因為呢餐係屈老細請食飯的, 都唔知點叫好, 好彩老細都食慣貴野, 叫我地唔洗驚, 隨便叫. 我地八個人, 只係叫左D好普通既點心同小食, 炒飯, 米粉同糖水, 最後埋單竟然要成$2916, 仲要係用匯豐白金卡有九折先係呢個價, 否則要三千幾, 折左平均每位都要$364, 我真係從來未試過飲茶要三四百蚊一個人. 我最近去酒店的米芝蓮餐廳, 或者去圓方另一間富豪飯堂九龍廳飲茶, 食到好飽每人都唔洗三百蚊. 貴唔係問題, 最緊要物有所值, 我都已經唔係要求物超所值喇, 只係想我既付出同回報成正比姐. 但係非常失望, 呢度既食物質素真係是但一間似樣D既酒樓都可以做到, 真正係平平無奇. 食左幾款點心, 比較有印象既係牛肉腸, 的確係幾滑同皮薄的, 但蝦腸就唔得, 個皮完全兩回事, 又厚又一舊舊. 個咖喱蒸土魷一D咖喱
貴唔係問題, 最緊要物有所值, 我都已經唔係要求物超所值喇, 只係想我既付出同回報成正比姐. 但係非常失望, 呢度既食物質素真係是但一間似樣D既酒樓都可以做到, 真正係平平無奇. 食左幾款點心, 比較有印象既係牛肉腸, 的確係幾滑同皮薄的, 但蝦腸就唔得, 個皮完全兩回事, 又厚又一舊舊. 個咖喱蒸土魷一D咖喱味都無, D魷魚仲好似用哥士的"拿"到無晒味, 又唔彈牙, 淋 bet bet 咁.
小食叫左炸蝦多士 ($240/8件), 蜜汁燒鱔 $260, 鹵水豬腳仔 $170, 海蜇 $140 同蜜汁燒鳳肝(即雞膶) $170. 個蝦多士好油又無味, 落小小鹽都好丫, 或者俾碟沙律醬黎點下啦, 咩都無, 想補救下都唔得. 出面食蜜汁燒鱔, 多數都會燒到個皮脆脆的, 一D都唔難做到, 但係呢碟$270的小食, 凍冰冰之餘個皮當然係一D都唔脆. 豬仔腳白雪雪一D色水都無, 咁叫鹵水? 當然又係淡而無味. 起初我以為係咪自己唔夠瞓口淡淡, 原來全檯八個人都覺得係無味的. 個鳳肝係幾味小食之中味道比較正常的, 但$170碟都係極之唔抵食. 碟海蜇得一"柱"仔, 仲要無任何烹調技術可言, 都要 $140.
最後叫左"蟹肉瑤柱蛋白炒飯"同"中芹銀芽魚鬆炆米", 個炒飯係幾好食, 夠乾身同味道唔錯. 甜品合桃露同蛋白杏仁茶食得出係生磨, 成$50一碗仔, 當然要生磨啦, 如果係開粉既我一定反檯. 服務係幾好的, 環境都好闊落, 但最緊要係D食物絕對係 over priced, 一D都唔值呢個價, 三千幾蚊飲餐茶, 真係有大把更好的選擇, 以後都唔會再黎.
張貼
