牛角日本燒肉專門店 (海運大廈)

營業中

休息中

燒肉冇太大講究，如果食完個身唔臭算係萬幸。牛肉算價格平民化，肉質尚可以。但尖沙咀呢間牛角又有d驚喜，如果一早book定位，就可以坐卡位、望住無盡海境慢慢烤肉。牛角平時都有set比較抵食。與朋友兩人先叫左幾份肉，入面有牛肋肉、牛肩肉、一口牛同豬頸肉、肥腸......另外叫左菇菌類，解一解膩。菇既種類有4種，有雞脾菇、金針菇、鮮菇...菇類真係再放盤燒加牛油，先可以保留菇既水份。放網燒 你會發現好乾 咬唔開。牛角可以話係食肉獸天堂，可以用平民價encore多幾份肉。咁多part牛入面，至為喜歡牛肋肉，有少少骨位燒完係特別香，而且肉質係有咬口。好味最後再叫左個石窩飯，令成餐飯更加滿足。石窩飯好香 熱辣辣，加埋醬料拌飯，真係好好味。