醉藥雞 (啟志樓) (已結業)

🍜砂鍋醉藥雞 $68★★★★☆用左煮雞酒，酒味帶甘甜，少少藥材味，亦唔會太重酒味易入口。味道幾好，加米線食都夠味，雞件就唔算太滑身，但又唔係超級鞋口，但大舊同埋都幾多件。如果冬天食完一定成身暖笠笠。🍜醉豬手配足料濃雞湯 $58★★★☆☆醉豬手超鍾意佢個口感，爽脆得黎唔會咬唔開，但又唔會太淋冇哂口感。豬手清潔得乾淨冇豬毛，唯一真係個酒味唔夠出，豬手唔夠入味，再醃耐啲咁就完美。足料濃雞湯簡左刀削麵，個湯底唔算好有雞味，反而飲落得個咸字，配刀削麵係完全唔出味。最後啲麵係放埋落醉藥雞個湯到食。🌟總括：味道不過不失，冇特別驚喜，但價錢、份量係OK。當日星期五都排左30分鐘以上，再要排隊未必會選擇呢間食店。