蕃滿門 (已結業)

星期一晚同朋友去emax睇戲，嚟到先知大部份餐廳都關晒，得返蕃滿門仲開緊，就入咗去哋我點咗份黑椒牛扒螺絲粉同咖喱牛腩番茄薑飯。番茄湯少辣，濃郁嘅蕃茄味加埋個辣味食得好過癮！牛扒就係薄切比較乾身，麻麻地不過，真正令人驚艷嘅係咖喱牛腩番茄薑飯。番茄同薑嘅結合帶出獨特風味，真係夠特別，夠特色！👍 而且牛腩都比想像中淋，再加埋滿滿嘅芝士，好滿足！價錢方面，都算合理，無覺得份量唔夠或者太貴，啱晒附近返工嘅朋友lunchtime嚟食！