Sedap Malaysian Delights (已結業)

係中環呢頭如果要搵間食馬來亞既食肆呢，我就會搵呢間佢平日晚上唔多人(有時都會經過或幫襯呢幢building樓上其他食肆，行開見到),今晚一於黎試下佢既二人餐…佢既二人餐係大路既食品，有海南雞，炒豆芽，肉骨茶，煎蠔餅同埋串燒，仲有甜品同埋餐飲。肉骨茶非常濃味，可能會覺得有點鹹，肉方面略嫌過肥。炒豆芽好爽，我反而覺得最出色係佢既配醬，甜甜地有花生味，好香。煎蠔餅多蠔，香口好食，不過幾油; 串燒呢都有炭香，有少少un. 可以係豬頸肉，牛，雞同羊之間揀。反而海南雞無乜特別。我覺得個飲品都好正拉茶超香茶味，我叫左少奶都好夠味甜品係好中式既紅棗雪耳糖水。整體而言，幾出色同濃味既豐富晚餐會再黎幫襯~