C.P.U. Cafe (已結業)

平日放假，想靜靜一個人行下街，心血來潮就來左cpu cafe hea 下。轉新菜單之後第二次過嚟食，發覺粉類選擇多咗。今次試左一個虎蝦菠菜扁意粉。食之前問咗個男侍應個Basic係咩，因為唔係太鍾意太重番茄底的意粉，跟住個侍應推介左呢款意粉，因為用龍蝦湯做汁，食落去有強烈香濃的龍蝦味，夠入味好特別！大家可試試。之後天氣比較凍所以叫咗一杯hot mocha，叫佢地打熱d，岀來效果係絕對合格！朱古力咖啡味道配合吾太甜，本人鐘意！P.s 佢星期一至日都有下午茶，都底食，但下午茶無咩主食岩我，多數甜品輕食，所以我散叫算。