湯加 (慈雲山中心)

營業中

休息中

今朝見無乜野做，就打算落慈雲山中心搵間餐廳食，之後見到平時少食既湯加無乜人，就行入去食啦。入到去自己搵個位坐，睇完餐牌就落單，不過唔知係因為朝早定平時都係甘，個場都係得一個waiter同一個執檯，舉左手一陣先有人睇到。之後點左個花生醬煉奶厚多士配熱冬瓜茶，等左大約五分鐘就有得食。整體質素不過不失，d野食唔算熱但多士黎講算唔錯，有冬瓜茶飲都係吸引我既一個要素，同埋埋單都只係23蚊。其實個個位好多手都係死場，不過湯加都做左幾耐下，希望佢可以繼續做啦，因為佢早餐都幾好食。