彩福皇宴 (已結業)

早上有兩個鐘時間，為打發時間，決定上皇室堡9樓飲個休閒早茶。彩福d茶葉算係咁， 比起普通街坊酒樓質素好， 仲可以揀新會陳皮普洱茶， 對消化同喉嚨都好。有時遇著啲茶樓開一壺難飲嘅茶，真係一啖都嫌多。因為一個人，所以叫左個"孖寶"就夠。鳳爪排骨飯加北菇棉花雞,唔知係咪因為多老人家/退休人士飲早茶，個鳳爪排骨飯啲飯......好林, 食一餐半餐完飯都ok啦 另外, 食食下先發現 , 原來d 北菇喺上枱之前已經由個碟仔逃脫咗.....喺個碟同個籠中間條罅夾住....... 唔怪得知碟棉花雞 個樣好似唔多對路啦，原來少咗d 菇。